02020110736
لا تكلف نفسك فوق طاقتها
فالحياة أقصر من أن تشرح للناس حسن نواياك
فضفضلى مباشر مفتوح الان |
|
|
21031236357
كنت منزله اخر فضفضه أولها انى مش حاسه انى كويسه ابدا
وباقى الى بيحصل الشغل باظ وهتشرد انا وابنى ف الشارع مش عارفه اروح فين والجا لمين غير ربنا يارب ماليش غيرك
هموووووووت من وجع قلبى |
|
|
18011206867
فضفضلى مباشر مفتوح من الان الرابعه عصرا بتوقيت القاهرة وحتى الساعه 11 مساءا بتوقيت القاهرة |
|
|
17071227967
فضفضلى مباشر
مفتوح من الان التاسعه بتوقيت القاهرة
وحتى الساعه 11 مساءا بتوقيت القاهرة |
|
|
16121252718
فضفضلى مباشر
مفتوح من الان ... 2:50 عصرا
وحتى 11 مساءا |
|
|
10021243160
مش كويسه ابدا حتى مش قادره افضفض انا متابعه البيدج من أنشأه وقريب لقلبى جدا ويرتاح اوى لما بفضفض هنا بس مش قادره تعبانه اوى وأصله لمرحله انى جعانه جدا وخليفه اكل الاكل يخلص وماالاقيش ااكل ابنى بكره أو بعده دلوقتى اخدت مهدا باخر حبة مياه حلوه وقلت لنفسى سامحنى يا ابنى شربت اخر حبة مياه حلوه انا بشتغل الحمد لله بس شغل يوم ف وعشره لاء بهدلت ابنى معايا بس كنت هموت لو كملت مع راجل تحت مسمى الزواج بيغتصبنى كل يوم مره واثنين وتلاته وأوقات ادام ابنى ابنى عنده 4 سنين تفتكرو ماكنش فاهم الى بيحصل طيب بلاش سرقنى ف فلوس كان شايلها معايا وعارف انى صرفتها رجع أنكر وعرف اهلبلدى كلها انى حراميه ربنا ينتقم منه بحق اذان الفجر ياترى العيشه دى كانت اهون لابنى من الجوع الى احنا فيه دلوقتى طيب هيسامحنى طب انا فاكىره حجات لأعلى ومن انا صغيره ومش يسامح فيها انا كمان عملت كده ف ابنى هيطلع يدعى عليا ويقولى خلعتى ابويا وبهدلتينى عشان مااستحملتيش تغتصبى
ااااااااه قلبى حاسه حد ماسكه بيخلعه من مكانه
هقعد كام يوم صايمه عن الأكل عشان باقى الاكل يكمل لابنى
ادعولى ربنا يرزقنى وبفرجها عليا نفسى ارجع ابنى لنفس
المستوى الى كان عائشه لانى عمرى ما هفكر لديه لابوه
هونها يارب |
|
|
30011151950
فضفلى مباشر مفتوح من الان وحتى الحاديه عشر مساءا بتوقيت القاهرة |
|
|
03081133962
المباشر بيفتح امتى |
|
|
01061114393
انا حاسة بالوحدة جدا ،نفسي اتحب جدا بس مش عاوزة حد يقرب مني
في اوقات ناس بتقرب مني باغراض مختلفة .. وفي ناس بحس ان في بدايات حب .. ومع الوقت بزهق
بقيت خايفة ارتبط باي حد علشان عارفة اني بزهق، واخلاقي متسمحليش اني ارتبط براجل وبعدين اقوله معلش انا زهقت وعاوزة امشي. |
|
|
25091045204
(( انا بنت زيها وبقولك طلقها .. لو بتختار بينها وبين رجولتك واحترامك .. طلقها ولو مخلف منها عشر عيال))
طلقها قبل ما ابنك يصلي ويقول حسبي الله ونعم الوكيل فيك يا بابا انك جبتلي ام حطمتني كدة
الناس الي بتتكلم عن عقوق الوالدين ..ابنك زرعتك .. هترويها مية نضيفة هيطلع نضيف وحلو ..
هترويه سم وتاكله شوك هيطلع كله سم وشوك وهيسمك ويشوكك اول واحد
دي رسالة مفتوحة للناس المثالية بتاعة عقوق الوالدين . ولكل راجل بيحب ست عاوز يتجوزها علشان بيحبها وخلاص ولا علشان حلوة ولا اي حاجة .. الست دي لو مش كويسة فعلا .. وشوفتها بعقلك كويسة .. بعقلك ب لان القلب غبي وبيخدع .. اوعى تتجوزها .. ولو اتجوزت ست ومطلعتش كويسة ومحترمة .. خليك راجل واوعى تتنازل عن رجولتك .. وطلقها ..
انا واحدة من الناس .. امي عمرها ما علمتني اي حاجة اصلا .. حظي اني عرفت ناس كويسة في المدرسة واخدوني ع الجامع .. وطلعت الحمد لله عارفة الصح من الغلط .. بخاف من ربنا .. بس عندي ام .. عمرها مبتشوفني كويسة الا لازم تنكد عليا .. عمرها ما شافت فيا اي حاجة كويسة .. دايما بتنتقد لبسي .. مع انها عمرها ما قالتلي من وانا صغيرة تعالي اشتريلك لبس والله كنت بروح الدرس بالبيجاما .. مع اننا ناس الحمد لله معانا فلوس .. بس الي هو اشتريلها ليه يعني .. ولو قلنا عاوزين نشتري لبس زي زمايلنا تشتري وتفضحنا عند اهلها انا بشتريلهم اهو وتقول بكام .. واخوها اسوا منها طول عمره بيعصيها علينا ومحسسها اننا مش كويسين مع اننا والله طول عمرنا بنذاكر لوححدنا ونطلع اوائل وعمر ما كان لينا طلبات ولا تطلعات اكتر من حد . ولا صاحبنا ولاد ولا مشينا غلط وهمو ابنه كان ساقط وفاشل وطلع من اولى اعدادي وبناته حراميه يدخلو البيت ياخدوا اي حاجة مش بتاعتهم وهو نفسه حرامي اكل ميراث اخواته البنات واخدوه منه في المحكمة .. وبعد دا كله بتكلامه وتصدقه . دلوقتي بعد ما كبرنا بيقولها لو عييتي عيالك هيرموكي في الشارع ..
ونازلة شتيمة في ابويا وهو راجل سلبي .. وتشتمه وهو يتصل باخوها يشهده يقوله وماله ما انتوا اسرة فيها ايه لما مراتك تشتمك طول بالك .. وهو بيضرب مراته ويسرق دهبها وحاجة اخر قرف ..
الشخص دا هو الي بيمشي حياتنا عن طريق امي ..وهي قطعت علاقتنا باهل ابونا من صغرنا ولما كبرنا وعرفنا البني ادم دا على حقيقته مبيقناش بنكلمه ولا بنروح عنده وانا قلتلها لو هوب ناحية البيت هعمله محضر عدم تعدي لان دا شخص مجرم .. ومسجل عليه كذا جنحة وخناقة واستيلاء على اراضي وشخص مش محترم
هي شايفاه نموذج للراجل القوي وانا ابويا راجل ضعيف فبتديله على دماغه وتكرشه وتهزاه جوة البيت وبرة البيت وتضحك اخواتها عليه .. بتقولهم انا لما بشوف نفسه بشد اللجام .. على اساس انه حمار .. ومن كم يوم قالتله اسكت يا حمار كدة باللفظ .. وهي مالهاش حد يترد عليه .. الي اعرفه ان ابوهم كان راجل كريم ويعرف الاصول بس واضح انه مكانش بيربي ولاده .. وجدتي كانت ست بتاعة ربنا بس على الله كدة .. وبتبهدلة في شغل البيت وخلاص فالاولاد طلعوا فعلا كويسين
انا جيبت شيخ من الجامع الي كنت بروحه وشهدته على كل الي بتعمله وحب يتكلم معاها سكتت مردتش عليه وبعدين قالي انا واخواتي امكم سيئة الطبع.. وهي فعلا كدة .. وطول الوقت بتتخانق مع الجيان على الي يخصها والي ميخصهاش .. والناس محترمة مبيعرفوش يردوا لحد ما وقعت مرة في واحدة جزارة من المدبح هزاتها وقالتلها انا ممكن اطلع اشفيكي واعلقك وواحدة تانية طلعت اهلها بياعين واخواتها متعودين ع السجن بطحت نفسها عليها وودتها القسم .. وبردو متهدتش .. راحت عملتلها محضر ..والموضوع انتهى لان لحسن الحظ في ظابط معرفة اتدخل ولم الامور
انا تعبت نفسيا وجالي اكتئاب فضلت اتعالج منه سنتين من مرتبي الي مبيكفينيش .. جالي ضغط وكنت ببوس ايدها متزعقش علشان لما بتزعا وتشتم ابويا الضغط بيعلا عليا بتبقى دماغي هتفرقع من الزعل والقهر .. اخر حاجة قلتلها اشتميه بس مش قدامي .. اشتميه وانا برة وانتو احرار مع بعض ..
..
كل كلامها شتيمة في ابويا او في الناس ..حتى وهي قاعة مفيش حاجة دايما تشتكي من الناس وحاجة قرف ..
اناعملت كل حاجة
جيبت شيخ
جيبت خالي الي هو الراجل الي يترد عليه
روحت لعمتي قلتلها قالتلي معلش .. وليها حق بصراحة
كلمت ابويا ياخد مكانه في البيت وانا هقف وراه
مافيش اي فايدة .. هي دلوقتي حاكمة عليه من الساعة 7 يخش يقعد في اوضة لوحده وانا في اوضة لوحدي .. ولو قعدنا مع بعض يبقى بنتكلم عليها وتبقى ليلتنا سودة
المشكلة ان انا ولا بتخانق على طول .. ولا انا سلبية كدة
انا بسكت شوية يمكن الناس تحس بنفسها بس هي الي بيسكت عندها يبقى ضعيف
اقسم بالله انا ضربتها مرة ومسكتها من شعرها وقلتلها هقتلك وهدفنك واخوكي دا لو جا هنا هسكر رجله .. لاني دمي اتحرق من كتر الشتيمة وقلة الادب .. وبابا مبيتصرفش .. ولما اقوله حرام عليك انت كسرتني .. يقولي اصل انا انسان مسالم
ابويا المسالم دا كان بيسيني عيانة بالشهور وميسالش عليا .. ولا بشوفه اصلا واحنا في نفس البيت ولما عاتبته يقولي اصل انا مش عاوز وجع دماغ .. اصل انا فكرتك بتذاكري .. وفيها ايه لما ابقى كويسة حتى ويخبط عليا يسال عني؟؟
طيب انت مسالم تروح تتجوز واحدة بالشكل دا ليه ..
..
انا مش هنا علشان حد يقولي انتي صح ولا غلط
انا كلي غلط .. وربنا الي بيحاسب الناس كلها .. بس ربنا مش هيحاسبني لوحدي .. هيحاسبني ويحاسب كل انسان ظالم وكل انسان مقصر في حقوق بيته .. التقصير مش مصاريف وبس .. التقصير ممكن يكون انك موجود وعامل مش موجود .. سايب بيتك زي فلسطين المحتلة .. الدنيا كلها بتحكم فيه من بعيد وفيه اسارئيل جوة بتموت ولادك وانت قاعد شكل ريس وخلاص
انا بقولكم الكلام دا يا جماعة
علشاان الي بيحب واحدة وعاوز يتجوزها .. اعرفها كويس .. مبقولش خد واحدة بذنب اهلها . انا والله العظيم حتى لو في راجل زميلي في الشغل بقدمه في اي كلام او اي موقف علشان الراجل راجل بردو بس في ستات شكلها حلو بس هي من جوة غفير .. امي من قبل ما تتجوز كانت بتمشي كلامها على ابوها واخواتها .. وابوها هو الي خلاها متكبرة كدة .. ابوها كان متجوز ست تانية سماوية كدة وكانت بتقلبه علي عياله وبتفرق بينه وبينهم .. هي بتفرق بيني وبين ابويا زي ما مرات ابوها كانت بتعمل بالظبط .. مرات ابوها سرقت فلوس ابوها .. امي سرقت شخصية ابوها .. الوحيدة الي كانت مرات ابوها بتخاف منها هي امي .. وكانت بتعملها الف حساب .. رغم انها مش الكبيرة .. وكانوا شغالين الاتنين خطط ومقالب في بعض .. امي بتعمل نفس دا بس بين ابويا وبيننا .. شخصية زي دي لو قابلتها لو انت مش اقوى منها .. متطمعش انك تعدلها بالحنية.. اوعى تتجوزها .. مبقولش متتجوزش .. تتجوز وتتهنى بس دي عدلها راجل تاني يشكمها ويعرفها حدودها
انا والله العظيم ساعات ببقى ماشية في الشارع الاقي نفسي بقول انا بكرهك .. لوحدي كدة وبعدين بفوق
انا مش هتية زي ابويا ومش ست مجرمة زي امي .. الحمد لله .. متجوزتش ويمكن هي سبب كبير في كدة .. ولكن هي بتقول ان السبب ان انا الي بزعق .. معلش اصل بعد دا كله المفروض ابقى حتة خشبة حتى ما ازعقش
انا الحمد لله مقتنعة باي حاجة انا فيها .. وبعد ما شوفت الانسان الضعيف بيتعمل فيه ايه .. والانسان الظالم بيتكره ازاي حتى لو امك .. عمري ما بظلم حد عن قصد ابدا .. ومع ذلك الي بيجي عليا مبسكتلوش .. وبقى عندي استعداد ادافع عن نفسي لحد ما اموت ومش مستنية اتجوز واحد يدافع عني ..
الحمد لله انا معنديش اي نقط سودا في حياتي .. بس امي بقعة سودة غطت على حياتي كلها لوقت معين .. كنت بكره نفسي لاني مش قادرة اقولها اني بكرهك .. بس دلوقتي بمنتهى الشجاعة .. انا بكرهك كلك على بعضك .. لو الناس بتقول الام نعمة .. فمشكل الامهات نعمة في امهات نقمة ولعنة .
ومبكرهش ابويا .. لانه راجل طيب انا بكره ضعفه وسلبيته الي مفيش قوة حميها
انا كواحدة ست والله لو واحدة كلمتني كدة هديها على وشها واجيب شعرها تحت رجلي .. لان اول مرة هي اخر مرة ..
انا حد نصي كله شر وشكل وخناق ومستعدة لكل حاجة تحصل .. ونصي مبحبش الظلم .. والله انا مش انسانة وحشة وعمري ما شوفت حد بيتظلم في موقف علشان غلبان الا ووقفت جنبيه .خسرت حاجات والحمد لله كسبت .. وخسرت شغل بسبب وقفتي جنب ناس مظلومة وزعلت بس ربنا كرمني بناس احسن منهم وعارفين قيمتي .. وبقول يارب اقابل راجل يعرف اني مش امي .. ومش زيها .. ويمذلنيش ويقولي امك كانت بتشتم ابوكي .. علشان محدش فينا بيختار امه وابوه ولا بيختار عيلته
لو سمحتم .. زي ما بنقول للبنات كتير ركزوا في الراجل الي هتوافقي تتجوزيه
وانت كمان بالله عليه ركز في الست الي هتدخلها بيتك
ممكن تبقى من عيله شكلها حلو .. وانت تحبها بصفو نية .. وتقطع رحمك من اقرب الناس ليك .. وتكره اخواتك فيك وتكره عيالها في عماتهم وتمنع منك عيالك وتذلك
افتكر انك يوم هتبقى مريض وعيان .. اختار الي تقعد جنبك ومتقرفش منك .. متخليش الحب يعميك ..اختار واحدة كويسة وجدعة وتقف جنبك وتشيلك لما تقع .. اختار ست تربي عيالك ع الصح والغلط مش تسيبهم زي ما يطلعوا يطلعوا ..
او متختارش كدة واختار الحلوة ام شعر ناعم وطويل الي شكلها عامل معرفش ازاي ومتبصش على اي حاجة تانية .. بس استحمل الي هيحصلك |
|
|
|
