جديد الموقع
...المزيد
 
فيسبوك  تغريد   أرسل إلى صديق  آر إس إس  
 
Facebook انضم لنا على
 
ÙÙ Ùجدت٠حÙÙÙ ÙÙشاÙÙÙÙ Ù٠اÙÙÙÙعØ
ÙعÙ
Ùا
 
القائـمة البريدية
ادخل بريدك الاكتروني(الإيميل) هنا لتلقي رسائل من أسرة الموقع
 
 
22081149541
اعذونى حبيت اكتب ردى هنا علشان الناس كلها تقراه للاخ او الاخت اللى قالت الموقع هنا مالوش لازمة والله انا شايفة ان مش الدراسة لوحدها كافية ياما ناس متعلمين وتعليم عالى كمان لكن بيغرقوا فى شبر ميه وحياتهم كلها مشاكل ومش عارفين يحلوها ومع ذلك مش كل الناس هنا مش دارسين لأ عندك ن خ دارسة شريعة وفقه وقانون وانا شخصيا دارسه علم نفس وعلم اجتماع لمدة 4 سنين ده غير مواد تانية وبفيدنى جدا فى الردود هنا وكمان فى حياتى وتعاملاتى الشخصية زى طب الاطفال وعلى فكرة طب الاطفال مش بس البيبهات لأ احنا بندرس فيه كل مراحل العمر من اول الولاده لحد سن المراهقة ومشاكلها الفسية وكمان صحة عامة واحب اقولكم كلكم ان الحياة مواقف وصعوبات والضربة اللى ما تموتنيش بتعلمنى وبالنسبة للردود احنا بنرد هنا على حسب خبراتنا واللى واجهناه فى الحياة وعلى حسب سننا كمان واحب اقول لصاحب او صاحبة الفضفضة ان المهم الخبرات ومش لازم يكون عند الواحد 80 سنة علشان يكون اكتسب خبرة من الحياة وكمان مش لازم السن يعنى ممكن تكون واحده اصغر منى وتقول رأى صائب انا شخصيا اتعلم منه واظن اى ام تعرف الموضوع ده انها من تصرف صغير بيعمله ابنها ممكن هى شخصيا تتعلم منه يعنى برضو السن مش عامل اساسى يمكن احنا مش سننا كبير عنكم قوى بس قالوها اجدادنا زمان اكبر منك بيوم يعرف عنك بسنة وزى ما قلتلكم قبل كده بنعتبركم اخواتنا الصغيرن او ولادنا كمان وربنا يعلم واحب اقولك ان الناس اللى بتدخل هنا بترتاح فعلا وبتسمع للنصيحة واولهم انا واكيد غيرى كتير ولا انتم فاكرين ايه ؟ احنا عرفنا الموقع هنا ازاى ما احنا عرفناه علشان دخلنا نفضفض هنا ولقينا اللى يسمعنا ويريجنا وقبلنا منه النصيحة صحيح مش هنعمم بس ناس كتير قبلت نصايحنا وانا اعرفهم شخصياً والكلام عن لسانهم هما وبعدين لو حتى صاحب الفضفضة ما عجبوش الكلام وما اخدش بالنصيحة ما فيش فيها مشكلة خالص هو مش اجبار ده اختيار ما حدش بيدخل هنا غصب عنه ولا ايه؟ واسفة طولت عليكم أمة الله

ارسل بلاغ 
قلبي معاك     (0)
تعليقات حذف

الناس اللى بتدخل هنا بترتاح عشان بطلع نفسه ملاك وبتسمع الكلام اللى عايزه تسمعه ونفسها تسمعه
يا ستى ياللى واخده كل شهادات الدنيا
ازاي تحكمى على موضوع من طرف واحد ازااااااااي ده الامام ابن سيرين كان ما يفسرش حلم لحد غير لما يعرفوه شخصيا ومره اتنين حلموا نفس الحلم وراحولو فسر الحلم لواحد فيهم انه هايحج وللتانى انه هايموت وفعلا حصل زي ما قال وتغيير التفسير ده بسبب انه كان عارف كل واحد منهم كويس وكان واحد منهم صالح والتانى فاسد وقيسي على كده
يبقى لازم نعترف اللى بيحصل هنا تضييع وقت وخلاص


يعنى اللى يجى يفضفض هنا نقوله هات بطاقتك ونعمل عنه بحث وفيش وتشبيه ونقوله هات اهلك واصحابك وله مشكله مع حد او واحده لها مشكله مع جوزها نقولها هاتى جوزك نتعرف عليه !!!!!!؟؟؟؟
انت بتقول اللى بيفضفض بيطلع نفسه ملاك .... اولا ده بيكدب على نفسه قبل ما يكون بيكدب علينا


والله انا ما قلتش انى واخدة كل شهادات الدنيا انا قلت انا دارسة ومش لازم يكون ده تخصصى اللى اخدت البكالوريوس فيه
بس كانت دراستى شاملة ولسه فى كتير كمان ما قلتلكيش عليه
وبعدين ده مش موضوعنا اصلا شهاداتى العلمية
او تحبى تعرفيهم كلهم ممكن اقولهملك فى فضفضة خاصة
واحنا بنسمع من طرف واحد وما بنحكمش من طرف واحد يا استاذة
انا شخصيا بعمل كده وناس غيرى كمان وطلبت من ناس كتير هنا انهم يتعاملوا مع المشكلة من كل جوانبها يعنى يحطوا نفسهم جوا المشكلة دى ويشوفوا ابعادها وبعدين يكتبوا رأيهم
يا رب تكون المعلومة وصلت
وبعدين انا مش عارفة فعلا حضرتك تاعب ولا تاعبة نفسك ليه
لو مضايقة قوى من الموقع بلاش تدخلى وتتعبى اعصابك وسيبى الناس تدخل وتتكلم والكل هنا بيدخل باختياره
يعنى بالعربى ما حدش بيجى يمسك ايدك ويخليكى تضغطى على صفحة الموقع وتفتحيها بالعافية غصب عنك
ولا انا غلطانة؟
وشكراً على نقدك والنصيحة
جزاكى الله كل خير
امة الله


لية محدش فكر ان صاحب او صاحبةالرسالة اتعرض لمشكلة من الموقع كلكم هاجمتوه من غير ما تعرفوا اية سبب الكلام ممكن يكون او تكون عندها شئ مش عايزة تقول علية خلونا الاول نعرف سبب الكلام وبعدين يبقى نرد
والله المستعان
M.A


بجد مش فاهمة ايه اللى بيحصل ده كله ليه كده اصلا اللى عاجبه الموقع يدخل واللى مش عاجبه براحته طبعا بس ميقولش لازم الموقع يتقفل لانه تضييع وقت وخلاص لان ده رأيه هو او رأيها هى انما فى ناس كتير رأيها مختلف عن كده تماما وفعلا بتحب تفضفض وتحكى مشاكلها ونفسها حد يسمعها ويساعدها والحمد لله كتير مننا دارس علم نفس واجتماع ويقدر يساعد فى حل المشاكل يارب يجزيكم خير ويكرمكم وشكرا ليكى امة الله على كلامك وانا من مؤيدى استمرار الموقع وربنا يوفق القائمين عليه كلهم

محبة الصمت*


المهاترة في الكلام لمجرد الكلام ده أمر مرفوض ، واللى بيحصل هدفه الأساسي بلبلة أفكار الناس وتشتيتهم والنيل من الموقع وأهداف الموقع

اللى عايز يكتب رأيه أهلا وسهلا ، واللى مش عايز ربنا معاه وجزاه الله خيرا

والانسان دائما وابدا طريقة حل مشاكله عن طريق أخذ آراء الآخرين الصادقين المحبين للنصيحة والارشاد

يا جماعة الخير أجحمنا أنفسنا فى مواضيع متفرعه ليس لها مكان هنا ، اتركوا هذا المكان للاشخاص الذين لديهم مشكلاتهم ويتمنوا أن يسمعوا اكتر من رأى فى مشكلته ، وهو بكده بيكتسب خبرات كثيرة فى التعامل مع المشكله

فى النهاية أرجو من أمة الله لا تلتفتت لمثل هذه المواضيع اللى الهدف منه فقط بلبلة الافكار وتشتيتها ، وجزاكى الله خيرا لما تقدميه من آراء ومقترحات

L..d أخوكم

الرجاء ادخال الكود
captcha security code Change verification code
   
© 2009 - 10 FadFadly.com All Rights Reserved. سياسة الخصوصية