جديد الموقع
...المزيد
 
فيسبوك  تغريد   أرسل إلى صديق  آر إس إس  
 
Facebook انضم لنا على
 
ÙÙ Ùجدت٠حÙÙÙ ÙÙشاÙÙÙÙ Ù٠اÙÙÙÙعØ
ÙعÙ
Ùا
 
القائـمة البريدية
ادخل بريدك الاكتروني(الإيميل) هنا لتلقي رسائل من أسرة الموقع
 
 
01070803916
انا زعلانة اوي علشان عمري ما وثقت في حد وكان يستاهل الثقة واولهم ابويا فضلت رسماله في خيالي صورة حلوة اوي بس لما شوفته مالقيتش منها اي حاجة هو كذب عليا .. وامي كمان لانها ست محترمة كانت بتكذب وتقول عنه كلام حلو اوي زي انه شهم وكريم وجدع .. لما شوفته . مسابش موقف الا خذلني فيه وطلع بخيل ولو على الشهامة .. انا بنت وجدعة اكتر منه .. انا فعلا بكرهه لانه حطمني ..وخلاني اعيش اسود سنين حياتي وانا مش عارفة انا مين ولا فين في الدنيا .. قعدت سنين طويلة مش عارفة نفسي لاني مش عارفة هو مين فيهم وكمان بيكذب كتير وشخصيته ضعيفة وكنت برفض اي حد يتقدم لي علشان مش عارفة انا عاوزة ايه وهو السبب .. هو معاه فلوس وعمره ما فكر يجيبلي اي حاجة ولو بسكوتة بجنيه وقلتله كتير انه بيعاملني اسوا معامله بالتجاهل الي هو عايش فيه وعامل نفسه مش موجود وانك عمرك ما جبتلي حاجة مافيش اي حاجة انغيىن دلوقتي انا متجاهلاه تماما زي ما هو متجاهلني .. بيكلمني مبىدش ولا كاني سامعاه لاني بكرهه ومش هكلمه

ارسل بلاغ 
قلبي معاك     (11)
تعليقات حذف

متزعليش نفسك
بس مش فاهم هل كان عايش معاكى من صغرك ولا اتعرضتى للخزلان ده لما كبرتى وقابلتيه ؟
المهم انك عايشه وخلى ثقتك بربنا اكبر بكتير
وكونى نفسك واشتغلى على مستقبلك وعوضى اولادك عن كل حرمان وخزلان من اى حد قابلتيه
وخدى بالك من نفسك من فضلك وطمنينا عليكى
نحياتى


اباء كتير كده واكتر عدى ايامك دى دنيا خليكى بحياتك اقرأ كتاب حلو انزلى اخرجى اشتغلى واشغلى يومك بفيديوهات ايجابيه على النت فى ناس حلوه كتير وكبرى من ابوكى وامك الحياه مفاهيش وقت تتضيعه فى الحزن والزعل اضحكى وابتسمى بدل ما تجيبى لنفسك المرض والكأبه استمتعى بحياتك هتعملى بفلوس اى اكل وشرب ولبس كلها حاجه زاليه تتعوض الا الصحه عمرها ما تتعوض هتفضلى تفكرى فى ابوكى ابوكى مش هيتغير زى ما اباء كتير كده ومش بتتغير ريحه نفسك ابوكى كام سنه 60ولا 70 ولا 80 ولا زى ما يكون مش هعيش اكتر ما عاش سيسى امورك وسيبى هو ربنا هيحاسبه بلايش انتى كمان ربنا يحاسبك خليكى رحيمه بى اشفقى عليه وادعيله بالهدايه وادعى لكل الاباء اللى زيه اللى بيسئ معامله عيالهم اللى حقيقى خساره يخذه لقب اب بس هنعمل اى قدرنا ونصيبنا متخسرين علاقتك بربنا علشان حد اقولى ياااااارب قادر يغير احوالك ومتنسايش ان احنا فى ايام مفترجه ادعى وان شاء الله الدعوه تستجاب


التعليق الثاني
كله كلام جميل
مين فينا يعني عاوز يدايق نفسه
بس انت مجربتش تبقى عايش مع بني ادم بتكرهه وهو عارف ومطنش وبيتعامل
بمنتهى البرود
مرة واحدة قلت عاوزة اخرج .. عادي يعني طلب مشروع وانا عمري نا خرجت ولا اتفسحت لان يا اما هو مسافر يا اما هو موجود بس معيش فلوس الموجود يادوب ومكنتش بطلب
ونسيت المحفظة في البيت. قلتله انا نسيت المحفظة قالي ادفعي لما تروحي !
علشان ما تفهمش غلط يعني الي بيقولي ادفعه دا 200ج
ومتقوليش هتعملي ايه بالفلوس
لما تبقى قدامك ومحروم منها هتعرف تعمل ايه
تبقى فلوسك قدامك وانت عمال تشتغل عند دا ودا وتتبعدل هنا وتستحنل قلة ادب الناس هنا وتحسبها وتبقي قيمة وسيمة كدة وجزمتك مقطوعة ومش قادر تشتري غيرها وعمال تخيط فيها بعشرة جنيه هتعرف تعمل ايه بالفلوس
لما تقعد تلبس لبس بقاله 13سنة هو هو لدرجة انك بقيت تتكسف تنشره على الحبل قدام الناس لان لونه راح هتعرف تعمل ايه بالفلوس
لما تبقى عاوز تتعالج بس الفلوس الي معاك مش مكفية ومتقدرش تروح تبظا علاج لا تتفضح في النص وفلوسك تخلص هتعرف تعمل اسه بالفلوس
لو انتي بنت بقى .. وبتشوفس زمايلك بتلبس وانتي مش عارفة تلبسي هتعرفس تعملي ايه بالفلوس
اني بني ادمة مش جماد
ومش شيخة ولا زاهدة وعايزة اعيش مستوى طبيعي مبقولش اكتر من مستوايا
هو زي ما قلت عنده 70سنة هيعيش اكتر من مستوايا
ولو انتي او انت امك عايشة وعندها 70 سنة وقاعدة مكفية على مكنة خياطة علشان تخيط هدوم لنفسها من قماش كانت شرياه من ايام جهازها .. قماش شياط اصلا والعتة واكلاه وهي بتتكلم قدامك عن اخواتها الي عندهم صبيان لا همة ولا عيالهم كملوا تعليمهم وابنها كسيب ما شاء الله وبيحط في حجرها بالالف جنيه هتعرف يعني ايه تبقى في صراع انك عاوز تبقى كبير ومستور وسط الناس وانت الوحيد الي عارف حقيقتك من جوة
لما تبقى بنت وعرضتي على ابوكي يطلع الفلوس الي نايم عليها ويعمل اس مشروع باسمه ويشغلك زي اي واحد بيشتغل ويقعد هو باشا وتتعهدي انك مسؤولة تشغليه وتدوريه وتسلميه مكسبه بالورقة والقلم يقولك لا مش عاوز اشتغل مزاجي كدة والمفروض اصلا اخد مرتبك هتعرفي الفلوس بيتعمل بيها ايه
هو مريض بالبخل
واحد جابله موبايل هدية شايلة بالكرتونة وبيستعمل موبايل معفن ومكسر ومبيتكلمش ويقول محدش جابلي حاجة اصلا
هو عايش لوحده كل سنة يروح يجيب لبس وجزم ويتشيك علشان يقعد يقرا الجرنال والناس الي قاعدة دي مالهاش لازمة ولا طلبات
ماما مرة قالتله ادي بنتك تشتري لبس للبيت مبقاش عندها حاجة وبتلبس هدومها مقطعة راح مطلعلي الفوجنيه
قلتله مش عايزة
حطهم في جيبه بمنوهى البرود ومشي
دا عاوز طلقتين في دماغه هو وكل الي زيه ولا ليهم اي لازمة جايين يقرفونا وخلاص


عندك حق فعلا بس ربنا هياحسبه على معاملته ليكى وانتى هتتحاسبى على معاملتك ليه انا عارفه وحاسه اللى انتى فيه علشان كده بقولك خليكى مع ربنا وكبرى صدقنى نصيبك مش هيوقف حتى لو بتمشى بجزمه مقطوعه ولا فستان قديم اهم حاجه اخسرى اى حد واى حاجه الا علاقتك بربنا هو الرازق قادر يغير حالك من يوم وليله انا حاسه باللى انتى فيه علشان انا كمان فيه بس صدقنى انا بعمل زى ما بقولك كده وربنا بيعوضنى بلاقى اللى بيجبلى لبس شيك جدا هديه بلاقى اللى بيدينى فلوس ومش بتسغرب عارفه ليه علشان انا مع ربنا واللى مع ربنا عمره ما يضيع هتلاقى الخير والرزق مش شرط من ابوكى وامك بس صدقنى طول ما هتبقى مع ربنا انتى عارفه انا ببقى مخنوقه من ابويا وساعات كتير بنهار وازعق واعد اقوله عقدتنى ودمرتنى بس انتى عارفه بروح اجرى ابوس ايديه وابوس راسه وانا زعلانه منه بس بعمل كده علشان ربنا فوق كل دى انا معنديش ام زيك وعلى فكره انا معنديش موبيل بقالى سنين انتى بقى عندك موبيل مكسر تبقى انا معنديش اصلا موبيل وعادى على فكره ولا متأثره اى اللى هيزعلنى على حته حديده بكلم بيها الناس اللى هو اصلا مفيش حد بقى زى الاول كل حد مع نفسه اوعى تزعلى نفسك على لبس ولا على موبيل زعلى نفسك بس على علاقتك بربنا على يوم ضاع من غير ما تمسكى فيه المصحف على يوم مر وانتى عملتلى فيه ذنب ومستغفرتيش فيه ربنا لو زلعانه من ابوكى وبتزعقى معاه روحى بوسى راسه وايديه واقوللى حقك عليه يا بابا ولا مامتك بروده اعملى كده حتى لو مش من قلبك بس علشان ربنا علشان الجنه علشان احنا اتخلقنا علشان نعبد ربنا مش علشان نغير لبس وجزمه وموبيل خلى رقم واحد عندك ربنا هتلاقى كل اللى نفسك فيه بيجليلك وحتى لو ناقصك اى حاجه هتبقى راضيه اصبرى واقولى يااااارب القادر على كل شئ مغير الحال من حال الى حال ربنا يفكها عليكى ويرزقك باللى بتتمنى يااااااارب


اه نسيت اقولك ان حتى الموبيل اللى مش معايا بردوه ناس بتتحايل عليه علشان تشترى ليه احلى موبيل علشان حقيقى حته الحديد دى ميتزعليش عليها ولا تفرق عندى ان تكون معايا او لأ وانا برفض ومش بطلب حاجه من حد بس الحمد لله ربنا بيكرمنى فى النهايه بكل اللى ان عايزه حتى لو اتاخر رزقى بيجى زى ما رزق كتير اتاخر بس جه
لازم تفهمى ان الرزق دى بتاع ربنا فاوعى تخسرى علاقتك بربنا علش حاجه زايله خلى علاقتك قويه بربنا ربنا هيعوضك كل خير

الرجاء ادخال الكود
captcha security code Change verification code
   
© 2009 - 10 FadFadly.com All Rights Reserved. سياسة الخصوصية