|
|
|
30050708163
|
سلام عليكم ...انا أنسة عمرى 34 سنة ..فى شخص كنت أعرفه معرفة سطحية قالى انه عايز يتقدملي..جالنا البيت مرتين ..اول مرة قعد مع والدى قعدة تعارف والمرة اللى بعدها جاب والده ووالدته المهم هو قال انه كان خاطب مرة وفركش وكانت خطوبة مدتها شهر مش اكتروقال انه عنده شقة متشطبة فيها مطبخ واوضة نوم ولما سالناه يعنى المطبخ واوضة النوم دول كانوا من الخطوبة اللى مكملتش دى ولا ايه؟ قال لا المطبخ كانت ماما جيبهولى هدية من قبل ما اخطب اصلا وبالنسبة لاوضة النوم قال باللفظ انا لقيت معايا فلوس فنزلت دمياط جبتها قبل ما الفلوس تتصرف فى كلام فاضى...المهم لما سالنا عليه اكتشفنا انه كان خاطب 3 مرات قبل كده مش مرة واحدة زى ما قال هو واهله..وبالنسبة للمطبخ واوضة النوم عرفنا انه كان جايبهم علشان خطيبته رقم 2 وعرفنا انه خطبها لمدة سنة وبعدين الخطوبة اتفركشت قبل الفرح بمدة قصيرة اوى علشان اختلافات فى الامور المادية..انا متضايقة انه كدب عليا من اولها ..مش عارفة اخد قرار ..هل اقفل الموضوع وأخلى والدى يقولهم مفيش نصيب ...انا حاسة ان تقتى فى أى حاجة هيقولها هتبقى مهزوزة لان اللى يكدب مرة يكدب 100 مرة ..مش عارفة اذا كنت اقفل الموضوع من بدرى طالما اكتشفت كذبه ولا اديله فرصة واوافق على الخطوبة ..مع العلم طبعا ان انا سنى مش صغير وخايفة اكتشف فيه عيوب تانية غير الكدب والخطوبة تتفركش وتبقى اتحسبت عليا خطوبة؟؟
|
|
| تعليقات |
حذف |
| -- لا تعليق حاليا. |
|
|
|
|
|
